អ្នកឆ្លងកូវីដ១៩ នៅលើពិភពលោកកើនដល់ជាង ១៧២លាន៤១ម៉ឺននាក់ ស្លាប់ជាង ៣លាន៧០ម៉ឺននាក់

144

បរទេស៖ គិតត្រឹមម៉ោង ថ្ងៃព្រហស្បតិ៍ ទី០៣ ខែមិថុនា ឆ្នាំ២០២១នេះ ចំនួនអ្នកឆ្លងជំងឺកូវីដ១៩ នៅទូទាំងពិភពលោក បានកើនឡើងដល់ ១៧២,៤១៤,៧០៦នាក់ហើយ។ ក្នុងនោះអ្នកស្លាប់មានចំនួន ៣,៧០៦,៣៩២នាក់ និងជាសះស្បើយឡើងវិញ ១៥៥,០៤១,៥៩២នាក់។

បើយោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។

ហើយសហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺកូវីដ១៩ ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ៣៤,១៥៤,៣០៥នាក់ ស្លាប់ចំនួន ៦១១,០២០នាក់ និងជាសះស្បើយចំនួន ២៧, ៩៨៦,៥១១នាក់។

ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លងរហូតដល់ ២៨, ៤៤០,៩៨៨នាក់ ស្លាប់ចំនួន ៣៣៨,០១៣នាក់ និងជាសះស្បើយ ២៦,៣៨២, ៨៩៧នាក់។

ចំណែកប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយប្រេស៊ីល មានអ្នកឆ្លងចំនួន១៦,៧២០,០៨១នាក់ ស្លាប់ ៤៦៧,៧០៦នាក់ និងជាសះស្បើយ ១៥,១៦៨,៣៣០នាក់៕