ផលប៉ះពាល់របស់ «បារី» បងប្អូនគួរតែយល់ដឹង និងនាំគ្នាបញ្ឈប់នូវសកម្មភាពផ្សែងបារីទាំងអស់គ្នា…

យើងទាំងអស់គ្នាបានដឹងរួចមកហើយថា ការជក់បារី គឺជារឿងគ្រោះថ្នាក់បំផុត ពីព្រោះ វានឹងធ្វើឲ្យរាងកាយរបស់អ្នក ខ្ទេចខ្ទីជាច្រើនកន្លែង។ សារធាតុរាប់ពាន់មុខ មាននៅក្នុងបារីមួយដើមៗ ហើយវាអាចបំផ្លាញសុខភាពរបស់អ្នក បានយ៉ាងងាយជាទីបំផុត។ តើអ្នកដឹងទេថា វាប៉ះពាល់ខ្លាំងណាស់ ចំពោះប្រព័ន្ធរំលាយអាហាររបស់អ្នក?

១ ការជក់បារី ធ្វើឲ្យអ្នកប្រឈមនឹងជំងឺមហារីកសួត ក្រៅពីនេះ វាក៏អាចបណ្តាលឲ្យកើតជំងឺមហារីកក្រពះ មហារីកពោះវៀន និងចុងពោះវៀនផងដែរ។
២ បារី អាចធ្វើឲ្យអ្នកកើតជំងឺរលាកក្រពះ និងដំបៅក្រពះ។ អ្នកជាក់បារី ដែលឆ្លងបាក់តេរី H.Pylori មានហានិភ័យខ្ពស់ក្នុងការកើតជំងឺដំបៅក្រពះពោះចៀន។
៣ បារី អាចធ្វើឲ្យសារធាតុនានានៅក្នុងពោះវៀន ត្រឡប់ក្រោយទៅកាន់ក្រពះវិញ ដែលវាប្រហាក់ប្រហែល នឹងការច្រាលទឹកអាស៊ីតក្រពះអ៊ីចឹង។
៤ ការជក់បារី ក៏បង្កើនបរិមាណអាស៊ីតក្រពះ ព្រមទាំងប្រឈមនឹងការឆ្លងបាក់តេរី H.Pylori ខ្ពស់ផងដែរ។
៥ ការជក់បារី នឹងទៅកាត់បន្ថយចរន្តឈាមរត់នៅក្នុងក្រពះ ដោយធ្វើឲ្យសរសៃឈាមរួមតូច។ ជាលិកាមួយនឹងចំនួន នឹងត្រូវខូចខាតដោយសារបញ្ហានេះ។
៦ អ្នកជក់បារី ប្រឈមមុខខ្ពស់ទៅនឹងជំងឺបែកដំបៅក្រពះពោះវៀន ការហូរឈាមក្នុងក្រពះ និងពោះវៀន។ ហើយប្រសិនបើព្យាបាលមិនទាន់ពេលវេលាទេ អ្នកជំងឺអាចស្លាប់បាន។
៧ អ្នកជក់បារី នឹងបង្កើនការរលាកនៅក្នុងក្រពះពោះវៀនជារៀងរាល់ថ្ងៃ ដែលជាហេតុនាំឲ្យពួកគេរាក ចង្អោរ និងឈឺក្នុងពោះជាដើម៕

ដូច្នេះ សូមបងប្អូនទាំងអស់គ្នា ត្រូវរូមចំណែងយ៉ាងសកម្ម ដើម្បីលុបបំបាត់នូវផ្សែងបារីទាំងអស់គ្នា៕

 

អត្ថបទដែលជាប់ទាក់ទង