សម្តេចតេជោ ហ៊ុន សែន ផ្តល់ឱកាសឱ្យគណបក្សដទៃចូលរួមជាមួយរាជរដ្ឋាភិបាលថ្មី តែមិនមែនជាសមាជិកគណៈរដ្ឋមន្ត្រីនោះឡើយ

70
CMA_LongBanner

ភ្នំពេញ៖ នាព្រឹកថ្ងៃ ពុធ ៤កើត ខែស្រាពណ៌ ឆ្នាំ ច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាលកម្ពុជា អាណត្តិទី០៦នេះ នឹងផ្តល់ឱកាសឱ្យមានការចូលរួមពីបណ្តាគណបក្សដទៃដែលមានសមត្ថភាព ក៏ប៉ុន្តែអ្នកទាំងនោះអាចមានឋានៈត្រឹម រដ្ឋលេខាធិការ អនុរដ្ឋលេខាធិការ ទីប្រឹក្សាស្ថាប័ន ឬទីប្រឹក្សារាជរដ្ឋាភិបាលតែប៉ុណ្ណោះ មិនមែនជាសមាជិករាជរដ្ឋាភិបាល ដែលត្រូវបោះឆ្នោតដោយរដ្ឋសភានោះទេ។

ដោយយោងតាមការប្រកាសរបស់សម្តចតេជោ ហ៊ុន​ សែន បានធ្វើឡើងក្នុងពិធីចុះជួបសំណេះសំណាលជាមួយកម្មករនៅខណ្ឌសែនសុខ រាជធានីភ្នំពេញ  ដែលជាថ្ងៃប្រកាសលទ្ធផលផ្លូវការ នៃការបោះឆ្នោតជ្រើសតាំងតំណាងរាស្រ្តអាណត្តិទី០៦។ ទោះជាយ៉ាងនេះក្តី គណបក្សប្រជានកម្ពុជា ដែលជាបក្សកាន់អំណាចមានជំនឿថា តាមរយៈសន្លឹកឆ្នោតដែលខ្លួនទទួលបានប្រមាណ៧៧% នៃសំឡេងឆ្នោតបានការទាំងមូលនោះ បក្សកាន់អំណាច៥អាណត្តិនេះ នឹងឈ្នះឆ្នោតហើយគ្រប់គ្រងអាសនៈទាំងអស់ នៅក្នុងរដ្ឋសភាតែម្តង។

នៅចំពោះមុខកម្មករជាង១ម៉ឺននាក់ សម្តេចតេជោ ហ៊ុន សែន ក៏បានរំលឹកម្តងទៀតអំពីការបង្កើតរាជរដ្ឋាភិបាលអាណត្តិថ្មី ដែលនឹងត្រូវធ្វើឡើងនៅដើមខែកញ្ញាខាងមុខនេះ បន្ទាប់ពីរដ្ឋសភាចូលប្រជុំលើកដំបូង និងបោះឆ្នោតរៀបចំក្បាលម៉ាស៊ីនហើយបញ្ជាក់ថា សមាជិករដ្ឋាភិបាលដែលត្រូវបោះឆ្នោតសុំសេចក្តីទុកចិត្តដោយរដ្ឋសភាគ្រាដំបូងនេះ មានតែគណបក្សប្រជាជនកម្ពុជាតែប៉ុណ្ណោះ។

សម្តេចបានមានប្រសាសន៍បញ្ជាក់ថា៖ មួយឆាវដំបូងនេះមានតែគណបក្សប្រជាជនកម្ពុជាទាំងអស់នៅក្នុងរាជរដ្ឋាភិបាល អត់មានលាយឡំទេ បន្តទៅទៀចាំខ្ញុំពិនិត្យទៅដល់គណបក្សមួយចំនួន ដែលធនធានមនុស្សគ្រាន់បើ ខ្ញុំអាចអញ្ជើញគេមកធ្វើជារដ្ឋលេខាធិការ អនុរដ្ឋលេខាធិការ ឬទីប្រឹក្សាស្ថាប័ន ឬទីប្រឹក្សារាជរដ្ឋាភិបាល ខ្ញុំនឹងពិនិត្យតាមក្រោយ ប៉ុន្តែធ្វើដូច្នេះគឺចូលមកអនុវត្តតែគោលនយោបាយគណបក្សប្រជាជនទាំងស្រុងតែប៉ុណ្ណោះ។

សម្តេចបានបន្តទៀតថា៖ សម្រាប់រាជរដ្ឋាភិបាលថ្មីនេះ ទោះបីជាអាចនឹងមានការចូលរួមដោយបក្សដទៃក៏ដោយ ប៉ុន្តែសម្តេចមិនអាចយកគោលនយោបាយបក្សណា មកអនុវត្តជំនួសគោលនយោបាយគណបក្សប្រជាជន ដែលប្រជាជនបានបោះឆ្នោតគាំទ្រយ៉ាងច្រើនលើសលប់បានទេ ក៏ប៉ុន្តែសម្តេចអាចយកធាតុចូលរបស់បក្សទាំងនោះ ដើម្បីជួយជម្រុញអនុវត្តគោលនយោបាយរបស់គណបក្សប្រជាជនបាន។

ក្នុងរាជរដ្ឋាភិបាលអាណត្តិថ្មីនេះ សម្តេចតេជោ ហ៊ុន សែន ក៏បានរិះគន់ចំៗ ចំពោះគណបក្សហ៊្វុនស៊ិនប៉ិច និងគណបក្សខ្មែររួបរួមជាតិ ដែលបានប្រើប្រាស់វប្បធម៌រត់ការដើម្បីទទួលបានតំណែងក្នុងរាជរដ្ឋាភិបាលផងដែរ។

សូ​មបញ្ជាក់ថា៖ បើតាមអ្វីដែលសម្តេចតេជោ ហ៊ុន​ សែន ប្រកាសកាលពីថ្ងៃទី៨ ខែសីហា ឆ្នាំ២០១៨ រដ្ឋសភាអាណត្តិទី០៦ នឹងបើកកិច្ចប្រជុំលើកដំបូងក្រោមអធិបតីភាពដ៏ខ្ពង់ខ្ពស់ របស់ព្រះមហាក្សត្រ នៅថ្ងៃទី០៥ ខែកញ្ញា ឆ្នាំ២០១៨ ខាងមុខនេះ ហើយក្បាលម៉ាស៊ីនរដ្ឋសភា និងរាជរដ្ឋាភិបាលអាណត្តិថ្មី នឹងបង្កើតឡើងនៅថ្ងៃទី០៦ ខែកញ្ញា ឆ្នាំ២០១៨ ខាងមុខនេះផងដែរ៕ ប្រភព៖fresh news

សម្តេចតេជោ ហ៊ុន សែន បើកភ្លើងខៀវឲ្យ

សម្តេចតេជោ ហ៊ុន សែន បើកភ្លើងខៀវឲ្យគណប​ក្សដទៃ ចូលរួមជាមួយរាជរដ្ឋាភិបាលអាណត្តិថ្មី តែមិនមែនសមាជិកគណៈរដ្ឋមន្រ្តីនោះទេ (Video inside)ព័ត៌មានលម្អិត៖ http://www.freshnewsasia.com/index.php/en/localnews/95707-2018-08-15-06-09-41.html

Geplaatst door Fresh News op Dinsdag 14 augustus 2018

GoldenSky-LongBanner
អត្ថបទដែលជាប់ទាក់ទង
Open

Close