បាញ់ប្លន់ទាំងព្រឹក​! ឆ្លៀតរត់ឌុបប៉ះចំចោរប្លន់ បាញ់៦គ្រាប់ ប្លន់យកម៉ូតូ ផ្ទុះ៣គ្រាប់ រងរបួស៣កន្លែង​ ស្មារតីនៅរឹង ប្រតាយប្រតប់​វិញ​ ចោរភ័យពេក បោះកាំភ្លើងចោល​ រត់គេចខ្លួន

423
Le_Spa_LongBannerlow

ភ្នំពេញ ៖ បុរសម្នាក់ទទួលរងនូវគ្រាប់កាំភ្លើងចំនួ៣គ្រាប់រងរបួសធ្ងន់ បន្ទាប់ពីរត់ឌុបប៉ះចំចោរប្លន់ប្រដាប់អាវុធ ឌុបដល់កន្លែងស្ងាត់ ធ្វើសកម្មភាពបាញ់ប្លន់ប៉ុនប៉ងយកម៉ូតូសេ១២៥ តែមិនបានសម្រេច ប្រតាយប្រតប់គ្នា រហូតដល់ដកកាំភ្លើងបាញ់៦គ្រាប់ ផ្ទះ៣គ្រាប់ ត្រូវក្បាល ដៃ និងស្មា រងរបួសធ្ងន់ ផ្អើលប្រជាពលរដ្ឋនិងសមត្ថកិច្ចខណៈចោរភ័យពេកបោះកាំភ្លើងចោល រត់គេចខ្លួនបាត់ ។

ហេតុការណ៍នេះបានបង្កការភ្ញាក់ផ្អើលយ៉ាងខ្លាំងកាលពីកាលពីវេលាម៉ោង៨និង៣០នាទីព្រឹក ថ្ងៃទី១៥ ខែមីនា ឆ្នាំ២០១៩ ស្ថិតនៅដីវាល ភូមិគោកចំបក់ សង្កាត់ចោមចៅ១ ខណ្ឌពោធិ៍សែនជ័យ ។

ជនរងគ្រោះឈ្មោះ ម៉ន សុខជា ភេទប្រុស អាយុ២៩ឆ្នាំ មុខរបរ រត់ម៉ូតូឌុប ស្នាក់នៅផ្ទះជួល ក្នុងភូមិត្រពាំងថ្លឹង២ សង្កាត់ចោមចៅ១ ក្បែរកន្លែងកើតហេតុ មានស្រុកកំណើតភូមិ ត្នោត១ដើម ឃុំព្រះខែ ស្រុកបសេដ្ឋ ខេត្តកំពង់ស្ពឺ ។ ចំណែកម៉ូតូដែលជនសង្ស័យប្លន់តែយកមិនបានសម្រេច ម៉ាកហុងដា សេ១២៥ សេរី២០១៧ កំពង់ស្ពឺ 1E-3900 ។

បន្សល់ទុកកាំភ្លើងខ្លីម៉ាក រ៉ូឡូ១ដើម គ្រាប់មិនទាន់ផ្ទុះ៣គ្រាប់ ក្បាលគ្រាប់១ ជនរងគ្រោះរងរបួសក្បាលពីចំហៀងខាងឆ្វេង១គ្រាប់ កដៃស្តាំ១គ្រាប់ ស្មាខាងឆ្វេង១គ្រាប់ រងរបួសធ្ងន់ ។

តាមសម្តីជនរងគ្រោះបានឲ្យដឹងថា មុនកើតហេតុ ជនរងគ្រោះត្រូវបានម្តាយនៅឯស្រុកប្រឲ្យទៅបើកថ្នាំនៅមន្ទីរពេទ្យរុស្សី លុះវិលត្រឡប់មកវិញ ធ្វើដំណើរតាមបណ្តោយផ្លូវវេងស្រេង ពីកើតទៅលិច មកដល់ចំណុចចំណតរថយន្តក្រុង លូ៥ ភូមិដំណាក់ធំ៣ ស្ទឹងមានជ័យ៣ ខណ្ឌមានជ័យ មានជនសង្ស័យម្នាក់ ហៅឲ្យឌុបជូន ទៅខាងក្រោយសួនកាណាឌីយ៉ា ក្នុងតម្លៃ៤០០០រៀល ដោយគិតថាក្បែរផ្ទះរបស់ខ្លួនដែរ លុះឌុបមកដល់ចំណុចកើតហេតុ ចំកន្លែងចាក់សម្រាមដែលមានសភាពស្ងាត់ផង ជនសង្ស័យឲ្យឈប់ ដកកាំភ្លើងភ្ជង់តែម្តង ប្លន់យកម៉ូតូ ក្នុងសភាពបែបនេះ ប្រតាយប្រតប់គ្នា ជាមួយជនសង្ស័យ ឈានដល់បាញ់៦គ្រាប់ ផ្ទះ៣គ្រាប់ ត្រូវជនរងគ្រោះ ៣កន្លែង ស្មារតីនៅរឹង ប្រតាយប្រតប់ រហូតធ្លាក់កាំភ្លើង នៅកន្លែងកើតហេតុ បង្កឲ្យភ្ញាក់ផ្អើល ប្រជាពលរដ្ឋ សមត្ថកិច្ច ជនសង្ស័យភ័យរត់គេចខ្លួនចូលទៅខាងដី ខណ្ឌមានជ័យបាត់ស្រមោល ។

ក្រោយកើតហេតុ ជនរងគ្រោះត្រូវបានក្រុមគ្រួសារ ដឹកយកទៅពេទ្យ ក្បែរប៉ុស្តិ៍ចោមចៅ១ ជាមុនសិន និងដាក់ពាក្យបណ្តឹង ដើម្បីឲ្យសមត្ថកិច្ច បន្តស្រាវជ្រាវ ។

សមត្ថកិច្ចក្រោយពីកើតហេតុ កំពុងធ្វើការសាកសួរ ជុំវិញរឿងហេតុខាងលើ ដើម្បីកំណត់មុខសញ្ញាចោរប្លន់ប្រដាប់អាវុធខាងលើ ៕ ដោយ៖ ម៉េង

CMA_LongBanner
អត្ថបទដែលជាប់ទាក់ទង
Open

Close