UI_LongBanner

សម្ដេចតេជោ ហ៊ុន សែន អំពាវនាវកុំឱ្យចាត់ទុកអ្នកស្នើសុំសិទ្ធិធ្វើនយោបាយឡើងវិញជាទំនិញ

67
CMA_LongBanner

ពោធិ៍សាត់៖ សម្ដេចតេជោ ហ៊ុន សែន បានថ្លែងថា មានបុគ្គលខ្លះបានបង្ហោះសារបែបរិះគន់ថា អ្នកដែលស្នើសុំសិទ្ធិធ្វើនយោបាយឡើងវិញត្រូវបានសម្ដេចទិញក្នុងតម្លៃប្រហែល១០ម៉ឺនដុល្លារ ដែលប្រការនេះត្រូវបានសម្ដេចតេជោ ច្រានចោលនិងអំពាវនាវកុំឱ្យចាត់ទុកអ្នកទាំងនោះគឺជាទំនិញលក់ដូរ។

សម្ដេចតេជោ បានថ្លែងដូចនេះនៅព្រឹកថ្ងៃទី២០ ខែមីនា ឆ្នាំ២០១៩នេះ ក្នុងឱកាសអញ្ជើញជួបសំណេះសំណាលជាមួយបងប្អូនកម្មករ កម្មការិនីប្រមាណជាង១ម៉ឺននាក់ មកពីរោងចក្រ សហគ្រាសចំនួន៦ នៅក្នុងខេត្តពោធិ៍សាត់ ដែលពិធីជួបសំណេះសំណាលនេះ ធ្វើឡើងនៅភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។

សម្ដេចតេជោ ហ៊ុន សែន បានបញ្ជាក់ថា លោកពុំមានការចាំបាច់ក្នុងការទិញអ្នកណានោះឡើយ។ ទន្ទឹមនឹងនេះ គណបក្សប្រជាជនកម្ពុជាតែងគោរពសិទ្ធិសេរីភាពរបស់គ្រប់គណបក្សនយោបាយទាំងអស់។

សម្ដេចតេជោ បានបន្តថា សម្ដេចផ្តល់តម្លៃដល់ការស្នើសុំទាំងអស់ដើម្បីមានសិទ្ធិធ្វើនយោបាយឡើងវិញ និងទូលថ្វាយព្រះមហាក្សត្រលើកលែងទោស និងផ្តល់និតិសម្បទានយោបាយឡើងវិញ ចំណែកអ្នកដែលមិនចង់ស្នើសុំគឺជាសិទ្ធិរបស់អ្នកទាំងអស់នោះ៕

GoldenSky-LongBanner
អត្ថបទដែលជាប់ទាក់ទង
Open

Close