UI_LongBanner

ប្រទេសជប៉ុន និងសិង្ហបុរី ឈរនៅលេខរៀងទីមួយស្ទួន ក្នុងនាមជាប្រទេស ដែលមានលិខិតឆ្លងដែនមានឥទ្ធិពលបំផុតនៅលើពិភពលោក ប្រចាំឆ្នាំ២០១៩នេះ

50

អាមេរិក៖ នៅថ្ងៃអាទិត្យ ទី០៧ ខែកក្កដា ឆ្នាំ២០១៩ នេះបើតាម ស្ថាប័នវាយតម្លៃលិខិតឆ្លងដែន Henley Passport Index ដកស្រង់ចេញផ្សាយដោយសារព័ត៌មាន CNN បានឱ្យដឹងថា ប្រទេសជប៉ុន និងសិង្ហបុរី បានឈរនៅលេខរៀងទីមួយស្ទួន ក្នុងនាមជាប្រទេស ដែលមានលិខិតឆ្លងដែនមានឥទ្ធិពលបំផុតនៅលើពិភពលោក ប្រចាំឆ្នាំ២០១៩នេះ។

យោងតាម Henley Passport លិខិតឆ្លងដែនជប៉ុន និងសិង្ហបុរី អនុញ្ញាតឱ្យប្រជាជនប្រទេសទាំង ពីរនេះ អាចធ្វើដំណើរទៅកាន់ប្រទេសចំនួន ១៨៩ ដោយមិនចាំបាច់មានទិដ្ឋាការចូលមកកាន់ ប្រទេសទាំងនេះ។ ចំណែកឯ ប្រទេសអាល្លឺម៉ង់ ហ្វាំងឡង់ និងកូរ៉េខាងត្បូង ឈរនៅលេខរៀងទី២ ដោយប្រជាជនអាចធ្វើដំណើរទៅកាន់ប្រទេសចំនួន១៨៧ ដោយមិនបាច់មានទិដ្ឋាការចូល។

ខាងក្រោមនេះគឺជាបញ្ជីឈ្មោះប្រទេសមានលិខិតឆ្លងដែនមានឥទ្ធិពលបំផុត និងអន់បំផុត៖

ប្រទេសមានលិខិតឆ្លងដែនមានឥទ្ធិពលបំផុត

CMA_LongBanner
  • ១. ជប៉ុន, សិង្ហបុរី (អាចធ្វើដំណើរទៅកាន់ប្រទេសចំនួន១៨៩ ដោយមិនបាច់ទិដ្ឋាការចូល)
  • ២. ហ្វាំងឡង់ អាល្លឺម៉ង់ កូរ៉េខាងត្បូង (១៨៧)
  • ៣. ដាណឺម៉ាក អ៉ីតាលី លុចហ្សំបួរ (១៨៦)
  • ៤. បារាំង អេស្ប៉ាញ ស៊ុយអែត (១៨៥)
  • ៥. អូស្រ្ដាលី ហូឡង់ ព័រទុយហ្គាល់ ស្វីស (១៨៤)
  • ៦. ប៊ែលហ្សិក កាណាដា ក្រិក អ៊ែរឡង់ ន័រវែស អង់គ្លេស សហរដ្ឋអាមេរិក (១៨៣)

ប្រទេសមានលិខិតឆ្លងដែនអន់បំផុត

  • ១០១. បង់ក្លាដែស អ៉ីរ៉ង់ លីបង់ កូរ៉េខាងជើង (៣៩)
  • ១០២. នេប៉ាល់ (៣៨)
  • ១០៣. លីប៊ី ដែនដីប៉ាឡេស្ទីន ស៊ូដង់ (៣៧)
  • ១០៤. យ៉េមែន (៣៣)
  • ១០៥. សូម៉ាលី (៣១)
  • ១០៦.ប៉ាគីស្ថាន (៣០)
  • ១០៧.ស៊ីរី (២៩)
  • ១០៨. អ៉ីរ៉ាក់ (២៧)
  • ១០៩. អាហ្វហ្គានីស្ថាន (២៥)៕

Praileela_getlow
អត្ថបទដែលជាប់ទាក់ទង
Open

Close