UI_LongBanner

ពិធីការពារសាកល្បងនិក្ខេបបទថ្នាក់បណ្ឌិត របស់បេក្ខជនបណ្ឌិត ច្រឹង ខ្មៅ នៃសាកលវិទ្យាល័យឥន្ទ្រវិជ្ជា (UI)

55

ភ្នំពេញ៖ នាព្រឹកថ្ងៃអាទិត្យ ៥រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២១ ខែកក្កដា ឆ្នាំ២០១៩នេះ នៅសាកលវិទ្យាល័យឥន្ទ្រវិជ្ជា ហៅកាត់ UI បានរៀបចំពិធីការពារសាកល្បងនិក្ខេបបទថ្នាក់បណ្ឌិត មហាវិទ្យាល័យនីតិសាស្ត្រ ជំនាន់ទី៣ ជំនាញៈ នីតិសាធារណៈ របស់បេក្ខជនបណ្ឌិត ច្រឹង ខ្មៅ ភេទប្រុស ក្រោមប្រធានបទ “វិធានគតិយុត្តប្រឆាំងបទល្មើសគ្រឿងញៀននៅកម្ពុជា”។

ពិធីការពារនេះ ធ្វើនៅសាកលវិទ្យាល័យឥន្ទ្រវិជ្ជា ដែលមានអាស័យដ្ឋាននៅផ្ទះលេខI១៥ ផ្លូវលេខ២៦៥ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ (ក្បែរផ្សារសំណង់១២) ។

ចំពោះគណៈកម្មការសម្រាប់វាយតម្លៃការពារសាកល្បងនិក្ខេបបទថ្នាក់បណ្ឌិតនេះ មានចំនួន ៧រូប ក្នុងនោះ ៖

១- បណ្ឌិតសភាចារ្យ ស៊ុំ ឈុំប៊ុន ជាប្រធានគណៈកម្មការវាយតម្លៃ

២- សាស្ត្រាចារ្យបណ្ឌិត អិម វិបុល សាស្ត្រាចារ្យវាយតម្លែទី១

៣- សាស្ត្រាចារ្យបណ្ឌិត សាវ សុខ សាស្ត្រាចារ្យវាយតម្លែទី២

៤- សាស្ត្រាចារ្យបណ្ឌិត វ៉ាន់ ច័ន្ទដារ៉ា ជាសាស្ត្រាចារ្យវាយតម្លៃទី៣

៥- សាស្ត្រាចារ្យបណ្ឌិត ជីវ កេង សមាជិក(សាស្ត្រាចារ្យណែនាំ)

៦- សាស្ត្រាចារ្យបណ្ឌិត ស៊ុំ ឈុំឡុង សមាជិក(សាស្ត្រាចារ្យណែនាំ)

៧- បណ្ឌិតសភាចារ្យ សោម សុមុនី ជាលេខាវិទ្យាសាស្រ្ត

និងសាស្ត្រាចារ្យ ឈឿន សម្បត្តិ តំណាងសាកលវិទ្យាល័យ ១រូបផងដែរ។

សាស្ត្រាចារ្យណែនាំមានចំនួន ២រូប៖

១- សាស្ត្រាចារ្យបណ្ឌិត ជីវ​ កេង (សាស្ត្រាចារ្យណែនាំគោល)

២- សាស្ត្រាចារ្យបណ្ឌិត ស៊ុំ ឈុំឡុង (សាស្ត្រាចារ្យណែនាំរង)

ជាលទ្ធផល គណៈកម្មការ បានសម្រេចឱ្យបេក្ខជនបណ្ឌិត ច្រឹង ខ្មៅ បន្តការស្រាវជ្រាវនិក្ខេបបទថ្នាក់បណ្ឌិត ក្រោមប្រធានបទ “វិធានគតិយុត្តប្រឆាំងបទល្មើសគ្រឿងញៀននៅកម្ពុជា” បន្តទៀត បន្ទាប់ពីមានការកែលម្អរតាមមតិយោបល់របស់គណៈកម្មការរួចមក។

សូមបញ្ជាក់ថា សាកលវិទ្យាល័យឥន្ទ្រវិជ្ជា គឺជាសាកលវិទ្យាល័យដែលផ្តល់នូវពហុពុទ្ធិ ទេពកោសល្យ វិជ្ជាជីវៈ និងសីលធម៌ ដល់សិស្សនិស្សិតលើគ្រប់វិស័យក្នុងផ្នែកវប្បធម៌សង្គម សេដ្ឋកិច្ច និងវិទ្យាសាស្ត្រ ដើម្បីអភិវឌ្ឍន៍ធនធានមនុស្សនៅក្នុងសង្គមជាតិ ដោយសហការជាមួយក្រសួងស្ថាប័ន រដ្ឋ សាកលវិទ្យាល័យនានា ក្នុងប្រទេស និងក្រៅប្រទេស សំដៅចូលរួមចំណែកអភិវឌ្ឍន៍ប្រទេសឱ្យទាន់យុគសម័យសកលភាវូបនីយកម្ម និងបច្ចេកវិទ្យាព័ត៌មាន។

បេសកកម្មចម្បង របស់សាកលវិទ្យាល័យឥន្ទ្រវិជ្ជា គឺជាការចូលរួមចំណែកយ៉ាងសកម្មក្នុងការកសាងធនធានមនុស្សជាមួយរាជរដ្ឋាភិបាលកម្ពុជា ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី នៃព្រះរាជាណាចក្រកម្ពុជា ក្នុងកិច្ចការកសាងធនធានមនុស្សប្រកបដោយ ចំណេះដឹង សមត្ថភាពពេញលេញ ស្ទាត់ជំនាញ ប៉ិនប្រសប់ និងឈ្លាសវៃ ដើម្បីគុណភាព និងឧត្តមភាពក្នុងការប្រកួតប្រជែងទីផ្សារការងារ៕

អត្ថបទដែលជាប់ទាក់ទង
Open

Close