UI_LongBanner

ពិធីការពារសាកល្បងនិក្ខេបបទថ្នាក់បណ្ឌិត របស់បេក្ខជនបណ្ឌិត វង តុន នៃសាកលវិទ្យាល័យឥន្ទ្រវិជ្ជា (UI)

66

ភ្នំពេញ៖ នៅព្រឹកថ្ងៃសៅរ៍ ១១រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែកក្កដា ឆ្នាំ២០១៩នេះ នៅសាកលវិទ្យាល័យឥន្ទ្រវិជ្ជា ហៅកាត់ UI បានរៀបចំពិធីការពារសាកល្បងនិក្ខេបបទថ្នាក់បណ្ឌិត មហាវិទ្យាល័យនីតិសាស្ត្រ ជំនាន់ទី៣ ជំនាញៈ ទស្សនវិជ្ជា របស់បេក្ខជនបណ្ឌិត វង តុន ភេទប្រុស ក្រោមប្រធានបទ “ផ្លូវកណ្ដាល(មជ្ឍិមប្បដិបទា)នៃព្រះពុទ្ធសាសនាក្នុងសង្គមខ្មែរ”។

ពិធីការពារនេះ ធ្វើនៅសាកលវិទ្យាល័យឥន្ទ្រវិជ្ជា ដែលមានអាស័យដ្ឋាននៅអគារលេខI១៥ ផ្លូវលេខ២៦៥ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ (ក្បែរផ្សារសំណង់១២) ។

ចំពោះគណៈកម្មការសម្រាប់វាយតម្លៃការពារសាកល្បងនិក្ខេបបទថ្នាក់បណ្ឌិតនេះ មានចំនួន ៧រូប ក្នុងនោះ ៖

១- បណ្ឌិតសភាចារ្យ សោម សុមុនី ជាប្រធានគណៈកម្មការវាយតម្លៃ

២- បណ្ឌិតសភាចារ្យ ខ្លូត ធីតា សមាជិក (សាស្ត្រាចារ្យណែនាំ)

៣- ព្រះធម្មឃោសាចារ្យបណ្ឌិត ឃី សុវណ្ណរតនា សាស្ត្រាចារ្យវាយតម្លែទី១

៤- សាស្ត្រាចារ្យបណ្ឌិត អិម វិបុល សាស្ត្រាចារ្យវាយតម្លៃទី២

៥- សាស្ត្រាចារ្យបណ្ឌិត ក្ដាន់ ធុល សាស្ត្រាចារ្យវាយតម្លៃទី៣

៦- សាស្ត្រាចារ្យបណ្ឌិត ជា មុនីឬទ្ធិ សមាជិក

៧- សាស្ត្រាចារ្យបណ្ឌិត ស៊ុំ ឈុំឡុង ជាលេខាវិទ្យាសាស្រ្ត

និងសាស្ត្រាចារ្យ ឈឿន សម្បត្តិ តំណាងសាកលវិទ្យាល័យ ១រូបផងដែរ។

សាស្ត្រាចារ្យណែនាំមានចំនួន ២រូប៖

១- បណ្ឌិតសភាចារ្យ ខ្លូត ធីតា ជាសាស្ត្រាចារ្យណែនាំគោល

២- សាស្ត្រាចារ្យបណ្ឌិត ជា មុនីឬទ្ធិ សាស្ត្រាចារ្យណែនាំរង

ជាលទ្ធផល គណៈកម្មការបានសម្រេចឱ្យបេក្ខជនបណ្ឌិត វង តុន បន្តការស្រាវជ្រាវនិក្ខេបបទថ្នាក់បណ្ឌិត ក្រោមប្រធានបទ “ផ្លូវកណ្ដាល(មជ្ឍិមប្បដិបទា)នៃព្រះពុទ្ធសាសនាក្នុងសង្គមខ្មែរ” បន្តទៀត បន្ទាប់ពីមានការកែលម្អរតាមមតិយោបល់របស់គណៈកម្មការរួចមក។

សូមបញ្ជាក់ថា សាកលវិទ្យាល័យឥន្ទ្រវិជ្ជា គឺជាសាកលវិទ្យាល័យដែលផ្តល់នូវពហុពុទ្ធិ ទេពកោសល្យ វិជ្ជាជីវៈ និងសីលធម៌ ដល់សិស្សនិស្សិតលើគ្រប់វិស័យក្នុងផ្នែកវប្បធម៌សង្គម សេដ្ឋកិច្ច និងវិទ្យាសាស្ត្រ ដើម្បីអភិវឌ្ឍន៍ធនធានមនុស្សនៅក្នុងសង្គមជាតិ ដោយសហការជាមួយក្រសួងស្ថាប័ន រដ្ឋ សាកលវិទ្យាល័យនានា ក្នុងប្រទេស និងក្រៅប្រទេស សំដៅចូលរួមចំណែកអភិវឌ្ឍន៍ប្រទេសឱ្យទាន់យុគសម័យសកលភាវូបនីយកម្ម និងបច្ចេកវិទ្យាព័ត៌មាន។

បេសកកម្មចម្បង របស់សាកលវិទ្យាល័យឥន្ទ្រវិជ្ជា គឺជាការចូលរួមចំណែកយ៉ាងសកម្មក្នុងការកសាងធនធានមនុស្សជាមួយរាជរដ្ឋាភិបាលកម្ពុជា ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី នៃព្រះរាជាណាចក្រកម្ពុជា ក្នុងកិច្ចការកសាងធនធានមនុស្សប្រកបដោយ ចំណេះដឹង សមត្ថភាពពេញលេញ ស្ទាត់ជំនាញ ប៉ិនប្រសប់ និងឈ្លាសវៃ ដើម្បីគុណភាព និងឧត្តមភាពក្នុងការប្រកួតប្រជែងទីផ្សារការងារ៕

អត្ថបទដែលជាប់ទាក់ទង
Open

Close