សម្តេចតេជោ បញ្ជាឲ្យទិញវ៉ាក់សាំងកូវីដ ៥លានដូសថែមទៀត ដើម្បីចាក់ដូសជំរុញ

285
UI Promtion 2021

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាឲ្យក្រសួងសុខាភិបាល និងក្រសួងសេដ្ឋកិច្ច និងហិរញ្ញវត្ថ បាន​បញ្ជាទិញវ៉ាក់សាំ​ងចំនួន​៥លានដូសបន្ថែមទៀត ដើម្បីចាក់ជូនប្រជាពលរដ្ឋឲ្យបាន​គ្រប់​គ្រាន់។​ សម្តេច បានឲ្យដឹងដូច្នេះនៅ​ក្នុងពិធី​សម្ពោធដាក់ឲ្យប្រើប្រាស់ជាផ្លូវការនូវកំណាត់ផ្លូវជាតិលេខ៥ ពីខេត្តបាត់ដំបង ទៅក្រុងសិរីសោភ័ណ ខេត្តបន្ទាយមានជ័យ នៅព្រឹកថ្ងៃចន្ទនេះ។

សម្តេចតេជោនាយករដ្ឋមន្រ្តី បានអះអាងថា ការបញ្ជាទិញបន្ថែមវ៉ាក់សាំងចំនួន៥លានដូសនេះ គឺមានភា​ព​សំខាន់ សម្រាប់យកមកចាក់ដូសជំរុញជាបន្តបន្ទាប់នៅទូទាំងប្រទេសកម្ពុជា។ បើតាមសម្តេចតេជោ នៅ​ពេលនេះ កម្ពុជា មានវ៉ាក់សាំងក្នុងឃ្លាំងជាង១០លានដូស តែនៅខ្វះចំនួនជាង៨លានដូសទៀត។ នៅពេល​នេះ សម្តេចតេជោ បានបញ្ជាឲ្យក្រសួងសេដ្ឋកិច្ច និងហិរញ្ញវត្ថុ ធ្វើការចរចា ដើម្បីបញ្ជាទិញហើយ៕