បាត់ក្មេងប្រុសម្នាក់ត្រូវជនមិនស្គាល់មុខចាប់មានការភ្ញាក់ផ្លើល

257
UI Promtion 2021

រាជធានី​ភ្នំពេញ ៖ ក្មេង​ប្រុស​ម្នាក់​ដែល​ត្រូវ​ជន​មិន​ស្គាល់​មុខ​ចាប់ នៅ​សង្កាត់​គោក​ឃ្លាង ខណ្ឌ​សែន​សុខ ត្រូវ​បាន​ជនសង្ស័យ​នាំ​យក​ទៅ​ប្លុង​ចោល​នៅ​តាម​ផ្លូវជាតិ​លេខ​៦ ហើយ​សមត្ថកិច្ច​ប្រទះ​ឃើញ និង បាន​នាំ​យក​មក​ប្រគល់​អោយ​ម្តាយ​វិញ​ហើយ នៅ​រសៀល​មុន​នេះ​បន្តិច…

ទោះបីជា​យ៉ាងណា ជនសង្ស័យ ដែល​សមត្ថកិច្ច​អះអាង​ថា ទំនងជា​ជន​មាន​សតិ​មិន​គ្រប់​បាន​ធ្វើ​ដំណើរ​ដោយ​ស្មើរ​ជើង​ទៅ​បាត់ ។

បន្ទាប់​ពី​បាត់​ក្មេង​ប្រុស​បង្ក​អោយ​ការ​ភ្ញាក់ផ្អើល​តាម​បណ្តាញ​សង្គម បន្ទាប់​ពី​ក្រុម​គ្រួសារ​បង្ហោះ​អំពាវនាវ​ឱ្យ​មហាជន និង​សមត្ថកិច្ច​ជួយ​ស្វែងរក​ក្មេង​រង​គ្រោះ​រូប​នោះ ។

តាម​សមត្ថកិច្ច​មូលដ្ឋាន​បានអោយ​ដឹង​ថា បន្ទាប់​ពី​មានការ​ភ្ញាក់ផ្អើល​សមត្ថកិច្ច​ក៏​បាន​ចុះ​ទៅ​កន្លែង​កើតហេតុ​ធ្វើការ​ស្រាវជ្រាវ​ជា​បន្ទាន់ ។

តាម​កាមេរ៉ា សុវត្ថិភាព​សមត្ថកិច្ច​អោយ​ដឹង​ថា កាលដែល​ក្មេង​នោះ​ត្រូវ​បាន​ជន​មិន​ស្គាល់​មុខ បក់ដៃ​ហៅ​ហើយ​ក៏​ទៅ​តាម​បាត់​តែ​ម្តង ។ បន្ទាប់​ពី​ភ្ញាក់ផ្អើល នៅ​វេលារ​រសៀល​ថ្ងៃ​ទី​១០ ខែមករា​នេះ ត្រូវ​បាន​សមត្ថកិច្ច រក​ឃើញ​វិញ និង​ប្រគល់​អោយ​ក្រុម​គ្រួសារ​វិញ ។

តាម​នគរបាល​ប៉ុស្តិ៍​បាក់​ខែង ខណ្ឌ​ជ្រោយចង្វារ​បានអោយ​ដឹង​ថា ក្មេង​នោះ​ត្រូវ​បាន​កម្លាំង​នគរបាល​ល្បាត​ប្រទះ​ឃើញ​នៅ​តាម​ដងផ្លូវ​ជាតិ​លេខ​៦ ចន្លោះ​ស្ពាន​លេខ​៩ ទៅ​លេខ​១០ ក្នុងភូមិ​ក្តី​ចាស់ សង្កាត់​បាក់​ខែង ។បន្ទាប់​ពី​ប្រទះ​ឃើញ​ក្មេង​នោះ​គេ​ក៏​ប្រទះ​ឃើញ មនុស្ស​មាន​សតិ​មិន​គ្រប់​ម្នាក់​ធ្វើ​ដំណើរ​ចេញពី​កន្លែង​នោះ​ដែល​មានការ​សង្ស័យ​ថា ជា​ជន​មិន​ស្គាល់​មុខ​ដែល​នាំ​ក្មេង​នោះ​មក​ពី​សង្កាត់​គោក​ឃ្លាង តែ​មិន​អាច​ឃាត់ខ្លួន ព្រោះ​សួរនាំ​ក្មេង​មិនដឹង ៕