សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ជាផ្លូវការផ្លូវជាតិលេខ៥១

112
UI Promtion 2021

(ភ្នំពេញ)៖ នៅព្រឹកថ្ងៃសុក្រ ទី២៥ ខែមីនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា រួមជាមួយលោកទីប្រឹក្សាសេដ្ឋកិច្ច និងពាណិជ្ជកម្មទូតចិនប្រចាំនៅកម្ពុជា បានអញ្ជើញសម្ពោធដាក់ឱ្យប្រើប្រាស់ផ្លូវជាតិលេខ៥១ ដែលជាផ្លូវមួយខ្សែដ៏សំខាន់ម្រើការដល់ការដឹកជញ្ជូនទំនិញ និងការធ្វើដំណើររបស់ប្រជាពលរដ្ឋ ដោយតភ្ជាប់រវាងផ្លូវជាតិលេខ៤ និងផ្លូវជាតិលេខ៥។
នៅក្នុងឱកាសសម្ពោធនោះ, សម្តេចតេជោ ហ៊ុន សែន បានថ្លែងសុន្ធរកថាសំណេះសំណាលប្រមាណជិត១ម៉ោង ដែលមាន ខ្លឹមសារសំខាន់ៗរបស់
សម្តេចតេជោដូចខាងក្រោមថា៖
សម្តេចតេជោ ហ៊ុន សែន បានថ្លែងថា ជាក្តីរីករាយណាស់ដែលព្រឹកថ្ងៃនេះ បានសម្ពោធសមិទ្ធផលផ្លូវជាតិលេខ៥១ ដែលតភ្ជាប់ផ្លូវជាតិលេខ៤ ទៅផ្លូវជាតិលេខ៥ផ្លូវជាតិលេខ៥១ គឺជាផ្លូវខ្សែក្រវាត់ភ្នំពេញ ជួយសម្រួលការធ្វើដំណើរដោយមិនចាំបាច់ឆ្លងកាត់រាជធានីភ្នំពេញ។
ផ្លូវជាតិលេខ៥១ ចូលរួមចំណែកយ៉ាងច្រើនសម្រាប់សេដ្ឋកិច្ចសង្គម
ការសាងសង់ផ្លូវជាតិលេខ៥១ គឺជាព្រះរាជតម្រិះដ៏ច្បាស់លាស់មួយរបស់ព្រះអង្គឌួង ក្នុងការតភ្ជាប់ការធ្វើដំណើរទៅកាន់សមុទ្រ
ផ្លូវជាតិលេខ៥១នេះ នៅតែជាផ្លូវយុទ្ធសាស្ត្រមួយរបស់រាជរដ្ឋាភិបាលកម្ពុជានាពេលបច្ចុប្បន្ន ក្នុងការតភ្ជាប់ទៅកាន់សមុទ្រ
សម្តេចតេជោ ហ៊ុន សែន បានថ្លែងថា តាមរយៈតំណាងឯកអគ្គរដ្ឋទូតចិន សូមថ្លែងអំណរគុណរដ្ឋាភិបាល និងប្រជាជនផ្តល់ថវិកាសម្រាប់ការសាងសង់ផ្លូវជាតិលេខ៥១។
កម្ពុជា បានផ្លាស់ប្តូរនយោបាយក្នុងការសាងសង់ផ្លូវពីការសាងសង់ឱ្យបានវែង មកជាការសាងសង់ឱ្យមានកម្រិតគុណភាពខ្ពស់។
សម្តេចតេជោ ហ៊ុន សែន បានថ្លែងថា មិនមាននរណានឹកស្មានដល់ចំពោះវឌ្ឍនភាពនេះឡើយ សមិទ្ធផលនេះមិនមែនធ្លាក់ពីលើមេឃនោះឡើយសមិទ្ធផលរបស់កម្ពុជា បានកើតចេញពីកិច្ចប្រឹងប្រែងក្នុងការបិទបញ្ចប់ភ្លើងសង្គ្រាម និងរកសុខសន្តិភាព អាទិភាពចម្បងរបស់កម្ពុជា គឺសុខសន្តិភាព
មុនពេលមិនទាន់មានសង្គ្រាមមនុស្សម្នាក់ៗសម្បូរបែបក្នុងការនិយាយពីតម្រូវការបែបនេះ ឬបែបនោះ តែពេលមានសង្គ្រាម គឺគេផ្តល់អាទិភាពចម្បងសម្រាប់សុខសន្តិភាព។
សម្តេចតេជោ ហ៊ុន សែន បានលើកជាឧទាហរណ៍សម្រាប់សង្គ្រាមរវាងរុស្ស៉ី និងអ៊ុយក្រែន ដែលពេលនេះប្រជាជន និងប្រធានាធិបតីអ៊ុយក្រែន បានផ្តល់អាទិភាពខ្ពស់ចំពោះសុខសន្តិភាព ចក្ខុវិស័យរក្សាសុខសន្តិភាព ត្រូវបានសម្តេចប្រកាន់ខ្ជាប់រហូតមក។
សម្តេចតេជោ បន្ថែមថា ទោះបីក្នុងលក្ខខណ្ឌណាក៏ដោយ គឺត្រូវរួមគ្នារក្សាឱ្យបាននូវសុខសន្តិភាព សមិទ្ធផលផ្លូវជាតិលេខ៥១ កើតចេញពីកិច្ចសហប្រតិបត្តិការល្អរវាងកម្ពុជា និងចិន កិច្ចសហប្រតិបត្តិការវាងកម្ពុជា និងចិន កំពុងនាំហុចផ្លែផ្កាជាច្រើន ទាំងការអភិវឌ្ឍ ការធ្វើពាណិជ្ជកម្ម និងការវិនិយោគ។
សម្តេចតេជោ ហ៊ុន សែន បានថ្លែងថា ជំងឺកូវីដ១៩ មិនអាចរារាំងដំណើរការអភិវឌ្ឍរបស់កម្ពុជានោះឡើយ ក្នុងនោះគម្រោងនានារបស់ចិន មិនមានផ្អាកសកម្មភាពនោះឡើយ។
សម្តេចតេជោ ហ៊ុន សែន បានផ្តាំទៅអភិបាលខេត្តកំពង់ឆ្នាំង និងកំពង់ស្ពឺ ប្រយ័ត្នទៅមិនដល់ព្រំដែនខេត្ត នាំឱ្យក្លាយជាជម្រកគ្រឿងញៀន។
សម្តេចតេជោ ហ៊ុន សែន បានថ្លែងថា នាយករដ្ឋមន្ត្រីជប៉ុន ជឿលើព្រហ្មលិខិតផងដែរ បានបញ្ជាក់ក្នុងពិធីពិសារអាហារជាមួយគ្នា នាយករដ្ឋមន្ត្រីជប៉ុន បានលើកឡើងព្រហ្មលិខិតកំណត់ឱ្យធ្វើជានាយករដ្ឋមន្ត្រី
គួរតែជឿងលើព្រហ្មលិខិតខ្លះទៅ បើព្រហ្មលិខិតមិនកំណត់ ទោះប៉ងប៉ុណ្ណាក៏មិនបានដែរ។
សម្តេចតេជោ ហ៊ុន សែន បានថ្លែងថា សម្តេចមានបំណងធ្វើត្រឹមគ្រូបង្រៀន និងអ្នកបើកយន្តហោះប៉ុណ្ណោះ តែព្រហ្មលិខិតបានកំណត់ឱ្យសម្តេចធ្វើជានាយករដ្ឋមន្ត្រី។
សម្តេចតេជោ ហ៊ុន សែន បានរំលឹកថា សម្តេចជាអ្នកដែលបានកាន់តំណែងរដ្ឋមន្ត្រីការបរទេស និងធ្វើជានាយករដ្ឋមន្ត្រី ក្នុងអាយុក្មេងជាងគេ។
សម្តេចតេជោ បានថ្លែងថា អាយុមិនសំខាន់នោះទេ តែសំខាន់ធ្វើបាន ឬមិនបាន ក្មេងមានចំណេះដឹង ខ្វះបទពិសោធន៍ ចាស់ខ្វះចំណេះដឹង តែសម្បូរណ៍ពិសោធន៍។
សម្តេចតេជោ ហ៊ុន សែន បានថ្លែងថា ក្មេងមិនត្រូវមើលងាយចាស់ ហើយចាស់មិនត្រូវមើលងាយក្មេង។
សម្តេច បានថ្លែងថា នៅពេលសម្តេចលាឈប់ពីតំណែងនាយករដ្ឋមន្ត្រី គឺសម្តេចមិនទាមទារឱ្យអ្នកបន្តវេនមកសួរ ឬឆ្លងយោបល់ពីសម្តេចនោះឡើយ
នៅឆ្នាំ២០២៣ សម្តេចនៅតែបន្តឈរជាបេក្ខភាពនាយករដ្ឋមន្ត្រីមកពីគណបក្សប្រជាជនកម្ពុជា។
ក្នុងឱកាសបុណ្យចូលឆ្នាំថ្មី សម្តេចនឹងសម្រាកលំហែនៅខេត្តព្រះសីហនុ។
សម្តេចតេជោ ហ៊ុន សែន បានថ្លែងថា ខំបង្កើតក្រសួង បង្កើតស្ថាប័ន តែមិនព្រមធ្វើ។
សម្តេចតេជោ ហ៊ុន សែន បានថ្លែងដាក់បទបញ្ជាដល់អាជ្ញាធរ និងសមត្ថកិច្ច រៀបចំរក្សាសន្តិសុខ ដើម្បីបង្កលក្ខណៈសប្បាយរីករាយជូនប្រជាពលរដ្ឋក្នុងឱកាសបុណ្យចូលឆ្នាំថ្ម៕