សម្តេចតេជោ ហ៊ុន សែនមានប្រសាសន៍ ក្នុងឱកាសអញ្ជើញសម្ពោធសមិទ្ធផលនានា ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤

190
UI Promtion 2021

(ភ្នំពេញ)៖ នៅព្រឹកថ្ងៃពុធ ទី២០ ខែមេសា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក ការីម៉ាតា អាហ្សូហ្ស៉ី ភារធារីស្តីទី ស្ថានទូតជប៉ុនប្រចាំកម្ពុជា បានអញ្ជើញសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤។
នៅក្នុងឱកាសនោះសម្តេចតេជោ ហ៊ុន សែន បានអញ្ជើញថ្លែងសុន្ធរកថាសំណេះសំណាលប្រមាណជាង១ម៉ោងកន្លះមានប្រសាសន៍សំខាន់ៗដូច ខាងក្រោមជា
* សម្តេចតេជោ ហ៊ុន សែន បានថ្លែងថា នៅថ្ងៃនេះពិតជារីករាយ ព្រោះក្រោយចូលឆ្នាំថ្មី បានសម្ពោធសមិទ្ធផលថ្មីកើតចេញពីកិច្ចសហប្រតិបត្តិការរវាងកម្ពុជា និងជប៉ុន គម្រោងអភិវឌ្ឍន៍នៅភ្នំពេញ ដ្បិតអស់ថវិកាច្រើន តែបានផ្តល់ប្រយោជន៍ច្រើនសម្រាប់ប្រជាពលរដ្ឋ ជាពិសេសការបញ្ចៀសការជន់លិចរាជធានីភ្នំពេញ។

* សម្តេចតេជោ ហ៊ុន សែន បានថ្លែងថា ក្រោមជំនួយរបស់ជប៉ុន បានធ្វើឱ្យកម្ពុជាកែលំអប្រព័ន្ធប្រឡាយ-លូ ចម្រោះ និងអាងស្តុកទឹក ជួយសម្រួលដល់ការជន់លិចនៅភ្នំពេញ ដោយសារមានការអភិវឌ្ឍបានធ្វើឱ្យសម្តេចមើលរាជធានីភ្នំពេញលែងស្គាល់។
* សម្តេចតេជោ ហ៊ុន សែន ថ្លែងអំណរគុណរដ្ឋាភិបាលជប៉ុន សម្រាប់ការផ្តល់ជំនួយការពារទឹកជំនន់ និងកែលំអប្រព័ន្ធឡាយ-លូ និងអាងចម្រោះទឹកកខ្វក់នៅរាជធានីភ្នំពេញ។
* សម្តេចតេជោ ហ៊ុន សែន បានថ្លែងអំណរគុណដល់ទីភ្នាក់ងារអភិវឌ្ឍន៍របស់ជប៉ុនចៃកា ដែលបានសិក្សាយ៉ាងច្បាស់លាស់លើការការពារទឹកជំនន់ និងកែលំអប្រព័ន្ធប្រឡាយ-លូ នៅកម្ពុជា ហើយនៅថ្ងៃទី២២ ខែមេសា សម្តេចនឹងអញ្ជើញទស្សនកិច្ចនៅប្រទេសជប៉ុន ដើម្បីចូលរួមវេទិកាទឹកពិភពលោក ហើយសម្តេចក៏នឹងមានជំនួបជាមួយនាយករដ្ឋមន្ត្រីជប៉ុនផងដែរ។
ទាំងនេះជាសមិទ្ធផលសំណង់នានាក្នុងគម្រោងការពារទឹកជំនន់ និងកែលំអប្រព័ន្ធប្រឡាយ-លូក្នុងរាជធានីភ្នំពេញ គឺជាសមិទ្ធផលកើតចេញកិច្ចសហប្រតិបត្តិការដ៏ល្អរវាងកម្ពុជា និងជប៉ុន។
* សម្តេចតេជោ ហ៊ុន សែន បានថ្លែងថា ជប៉ុន ជាចំណែកមួយក្នុងការជួយឱ្យកម្ពុជាទទួលបានឯករាជ្យនៅថ្ងៃទី០៩ ខែវិច្ឆិកា ឆ្នាំ១៩៥៣។
* សម្តេចតេជោ ហ៊ុន សែន បានបន្តថ្លែងទៀតថា ជប៉ុន ក៏ជាប្រទេសដែលបានជួយដល់ការចរចារកសន្តិភាព និងបញ្ចប់សង្គ្រាមនៅកម្ពុជា។
* សម្តេចតេជោ បានថ្លែងថា ពេលសម្តេចអញ្ជើញត្រឡប់ពីប្រទេសជប៉ុនវិញ សម្តេចនឹងទទួលជួប មេប្រតិបត្តិការរបស់អ៊ុនតាក់ ដែលបំពេញបេសកកម្មនៅកម្ពុជាកាលពីទសវត្សរ៍៩០។
ហើយបានរំលឹកពីវិធីនៃការសងបំណុលជប៉ុន ដែលរដ្ឋាភិបាល លន់ ណុល ជំពាក់ ដោយការផ្តល់ជំនួយជាសម្ភារៈផ្សេងៗ ហើយលក់យកលុយសងត្រឡប់។
ក្នុងដំណើរទស្សនកិច្ចនៅប្រទេសជប៉ុន នឹងមានការចុះហត្ថលេខាលើឯកសាមួយផងដែរ។
* សម្តេចតេជោ បានថ្លែងថា ការបោះឆ្នោតក្រុមប្រឹក្សាឃុំ-សង្កាត់នៅឆ្នាំនេះ សម្តេចមិនចេញមុខឃោសនាជូយមេឃុំ និងចៅសង្កាត់នោះឡើយ។

* សម្តេចតេជោ ហ៊ុន សែន បានថ្លែងថា ប្រជាពលរដ្ឋយល់ច្បាស់ពីការជ្រើសរើសរបស់ខ្លួនថា តើបក្សណាស័ក្តិសមឱ្យគាត់ផ្ញើវាសនា។ សម្តេចតេជោ ណែនាំឱ្យបង្កបរិយាកាសល្អលើការឃោសនារកសំឡេងឆ្នោត និងបញ្ចៀសអំពើហិង្សា។
* សម្តេចតេជោ ហ៊ុន សែន ថ្លែងថា ការចូលឆ្នាំកន្លងទៅថ្មីៗនេះ ហាក់មានសភាពខុសពីការចូលឆ្នាំនាពេលកន្លងទៅ បើប្រៀបដូចពេលពលរដ្ឋរំដោះ ពីរបបប្រល័យពូជសាសន៍ និងការអបអរបញ្ចប់សង្គ្រាមតាមនយោបាយឈ្នះ-ឈ្នះ។
* សម្តេចតេជោ ហ៊ុន សែន បានថ្លែងថា ការដែលប្រជាពលរដ្ឋអាចដើរលេងចូលឆ្នាំបាននេះ គឺបានកើតចេញពីកិច្ចប្រឹងប្រែងរួមគ្នារវាងរដ្ឋ និងរាស្ត្រ។
* សម្តេចតេជោ បានរំលឹកថា កំលុងពេលចូលឆ្នាំកាលពីឆ្នាំទៅ គឺជាពេលដែលសម្តេចបានប្រកាសពីការឈានដល់ជ្រោះមរណៈនៃជំងឺកូវីដ១៩។
ពេលនេះប្រជាពលរដ្ឋអាចយល់បានហើយ ហេតុអ្វីបានជាសម្តេចបានដាក់ចេញវិធានការនានា ដើម្បីទប់ស្កាត់ការរីករាលដាលជំងឺកូវីដ១៩ កាលពីឆ្នាំ២០២១។
* សម្តេចតេជោ ហ៊ុន សែន បានថ្លែងថា វិធានការដែលសម្តេចបានដាក់ចេញកាលពីឆ្នាំ២០២១ គឺដើម្បីការពារអាយុជីវិតរបស់ប្រជាពលរដ្ឋ។
* សម្តេចតេជោ បានថ្លែងអំណរគុណដល់អាជ្ញាធរពាក់ព័ន្ធទាំងអស់ ដែលបានប្រឹងប្រែងរក្សាសន្តិសុខសណ្តាប់ធ្នាប់ សម្រាប់ប្រជាពលរដ្ឋលេងកម្សាន្តក្នុងឱកាសបុណ្យចូលឆ្នាំថ្មី។
មានសន្តិភាពហើយត្រូវប្រឹងរក្សា កុំរង់ចាំពេលបាត់សន្តិភាព ទើបប្រឹងស្រែករក។
* សម្តេចតេជោ ហ៊ុន សែន ប្រកាសផ្តល់ស្ពានបេតុងជូនប្រជាពលរដ្ឋនៅកោះយ៉ ក្នុងខេត្តកោះកុង ហើយអ្នកឧកញ៉ា លី យ៉ុងផាត់ ជាអ្នករ៉ាប់រងលើការសាងសង់។
* សម្តេច បានថ្លែងបន្តទៀតថា ទោះបីមានវិបត្តិជំងឺកូវីដ១៩ តែពលរដ្ឋនៅតែអាចរកចំណូលបាន ដើម្បីដើរកម្សាន្តពេលចូលឆ្នាំ។
* សម្តេចតេជោ ហ៊ុន សែន ណែនាំក្រសួងសេដ្ឋកិច្ច និងហិរញ្ញវត្ថុ ពិចារណាបើកប្រាក់បៀវត្សរ៍ជូនមន្ត្រីរាជការ កងកម្លាំងប្រដាប់អាវុធ ឱ្យបានមុនពេលកំណត់។ ដោយយោងតាមរបាយការណ៍របស់លោក សាយ សំអាល់, សម្តេចតេជោ ហ៊ុន សែន បានថ្លែងថា ប្រជាពលរដ្ឋខ្មែរមានឥរិយាបថកាន់តែប្រសើរលើការទុកដាក់សំរាម។

* សម្តេច ជំរុញឱ្យបន្តអនុវត្តន៍កម្មវិធីទេសចរណ៍ផ្សារភ្ជាប់នឹងទឹកដី ដែលជាកម្មវិធីទេសចរណ៍មួយជួយដល់សហគមន៍ ការពារព្រៃឈើ និងអភិរក្សធនធានធម្មជាតិ។
* សម្តេចតេជោ ហ៊ុន សែន បានថ្លែងថា មានកត្តា៦យ៉ាង ដែលផ្តល់លទ្ធភាពឱ្យប្រជាពលរដ្ឋលេងកម្សាន្តសប្បាយក្នុងឱកាសបុណ្យចូលឆ្នាំថ្មី។ កត្តាទាំងនោះរួមមាន៖ សុខសន្តិភាព, ការតភ្ជាប់ហេដ្ឋារចនាសម្ព័ន្ធ, មានមធ្យោបាយធ្វើដំណើរកាន់តែច្រើន, ប្រាក់ចំណូល, ការកើតឡើងថ្មីនៃតំបន់ទេសចរណ៍ និងការមានភាពស៊ាំក្នុងសហគមន៍ដែលបានពីការចាក់វ៉ាក់សាំងបង្ការជំងឺកូវីដ១៩។
* សម្តេចតេជោ ហ៊ុន សែន គ្រោងសរសេរបង្ហាញពីការគិតរបស់នាយករដ្ឋមន្ត្រី ពេលប្រជាពលរដ្ឋសប្បាយ និងពេលពលរដ្ឋកើតទុក្ខ។
* សម្តេចតេជោ ហ៊ុន សែន បានថ្លែងថា ការចាក់វ៉ាក់សាំងបើចាក់ពាសវាលពាសកាល មិនអាចបង្កើតភាពស៊ាំក្នុងសហគមន៍បាននោះឡើយ។
* សម្តេចតេជោ ហ៊ុន សែន បានថ្លែងថា នៅថ្ងៃម្សិលមិញរកឃើញអ្នកកើតកូវីដ១៩ចំនួន ២៧នាក់។

ហើយសម្តេចនឹងបន្តតាមដានការរីករាលដាលក្រោយចូលឆ្នាំរយៈពេល១០ថ្ងៃទៀត
* សម្តចតេជោ ហ៊ុន សែន អំពាវនាវឱ្យប្រជាពលរដ្ឋបន្តទទួលយកដូសជំរុញ ដែលរៀបចំដោយអាជ្ញាធរ និងក្រសួងសុខាភិបាល។ សម្តេច បានថ្លែងថា បើភាពស៊ាំក្នុងសហគមន៍កាន់តែរឹងមាំ នោះពលរដ្ឋមិនចាំបាច់ពាក់ម៉ាស់ទេ
* សម្តេច ថា កម្ពុជាជាប្រទេសដែលមានចំនួនអ្នកឆ្លងជំងឺកូវីដ១៩ តិចជាងគេបំផុតនៅតំបន់អាស៊ាន។
* សម្តេចតេជោ ហ៊ុន សែន បានថ្លែងថា បញ្ហាទប់ស្កាត់កូវីដ១៩ មិនមែនស្ថិតនៅលើប្រទេសដែលមានវិស័យសុខាភិបាលទន់ខ្សោយនោះទេ ប៉ុន្តែស្ថិតនៅលើវិធានការការពារ និងការចូលរួមពីពលរដ្ឋ
ហើយសម្តេចមិនចេញធ្វើយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់នោះទេ ទុកឲ្យថ្នាក់មូលដ្ឋានធ្វើទៅចុះ
* សម្តេចតេជោ ហ៊ុន សែន ជូនពរឱ្យចំណងមិត្តភាពកម្ពុជា-ជប៉ុន ឋិតឋេរចីរកាចិរកាល៕