ព្រះមហាក្សត្រកម្ពុជា ស្តេចយាងបំពេញព្រះរាជទស្សនកិច្ចផ្លូវការ នៅខេត្ត Hunan សាធារណរដ្ឋប្រជាមានិតចិន រយៈពេល ៣ ថ្ងៃ

នៅវេលាព្រឹកថ្ងៃទី ២១ ខែកញ្ញា ឆ្នាំ ២០២២ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ស្តេចយាងចាកចេញពីព្រះរាជដំណាក់ រដ្ឋធានីប៉េកាំង សាធារណរដ្ឋប្រជាមានិតចិន ឆ្ពោះទៅអាកាសយានដ្ឋានអន្តរជាតិរដ្ឋធានីប៉េកាំង ដើម្បីទៅបំពេញព្រះរាជទស្សនកិច្ចផ្លូវការ នៅខេត្ត hunan សាធារណរដ្ឋប្រជាមានិតចិន រយៈពេល ៣ ថ្ងៃ ចាប់ពីថ្ងៃទី ២១ ដល់ថ្ងៃទី ២៣ ខែកញ្ញា ឆ្នាំ ២០២២។